អ្វីទៅជាក្រសួង រ៉ែ និងថាមពល ហើយអ្វីជាអាជ្ញាធរអគ្គិសនីកម្ពុជា?

អ្វីទៅជាក្រសួង រ៉ែ និងថាមពល ហើយអ្វីជាអាជ្ញាធរអគ្គិសនីកម្ពុជា?

ក្រសួង រ៉ែ និងថាមពល ៖ ជាស្ថាប័នជំនាញរបស់រាជរដ្ឋាភិបាល ដែលមាន​សមត្ថកិច្ច​​​រៀបចំគោល នយោបាយ និងផែនការយុទ្ធសាស្រ្ត​របស់រាជរដ្ឋាភិបាល ក្នុងវិស័យថាមពលនៃព្រះរាជាណាចក្រកម្ពុជា ក្នុងនោះវិស័យថាមពលអគ្គិសនីគឺជាអាទិភាព និងរៀបចំស្តង់ដាបច្ចេកទេសអគ្គិសនី ដើម្បីឱ្យមានឯកភាព គ្នាក្នុងតំបន់ក៏ដូចជាអន្តរជាតិ សម្រាប់ឱ្យការផ្គត់ផ្គង់ និងផ្តល់សេវាអគ្គិសនីប្រព្រឹត្តបានប្រសិទ្ធភាព គុណភាព និងចីរភាព រួមទាំងធ្វើការស្វែងរកដៃគូរវិនិយោគ ប្រភពផ្គត់ផ្គង់ថាមពលដែលមានតម្លៃសមរម្យ ក្នុងន័យធ្វើការប្រកួតប្រជែងបែបសេដ្ឋកិច្ច​លើវិស័យថាមពលជាមួយប្រទេសជិតខាង ។

អាជ្ញាធរអគ្គិសនីកម្ពុជា ៖ ៖គឺជាបញ្ញត្តិករ រវាងអ្នកប្រើប្រាស់ និងអ្នកផ្គត់ផ្គង់ មានសមត្ថកិច្ចរៀបចំច្បាប់ គោលការណ៍ និងបទបញ្ញត្តិផ្សេងៗពាក់ព័ន្ធទៅនឹងការប្រើប្រាស់ថាមពលអគ្គិសនី ។

• អាជ្ញាធរអគ្គិសនីកម្ពុជា មានសមត្ថកិច្ចផ្តល់អាជ្ញាប័ណ្ណជូនសេវាករដើម្បីមានសិទ្ធិក្នុងការផ្គត់ផ្គង់ជូនអ្នក ប្រើប្រាស់ទូទាំងព្រះរាជាណាចក្រកម្ពុជា
• ជាអ្នករៀបចំគោលនយោបាយកំណត់តម្លៃជូនសេវាករ និងអ្នកប្រើប្រាស់ជម្រុញឱ្យប្រតិបត្តិករទាំងអស់ គោរពតាមច្បាប់ បទបញ្ញត្តិ គោលការណ៍និងស្តង់ដាបច្ចេកទេសរបស់ក្រសួង រ៉ែ និងថាមពល នៃព្រះរាជាណាចក្រកម្ពុជាធានាឱ្យប្រព្រឹត្តទៅបានប្រកបដោយប្រសិទ្ធភាព គុណភាព និងតម្លាភាព។

អ្វីទៅដែលហៅថាសេវាករអគ្គិសនី និងអគ្គិសនីកម្ពុជា?

សេវាករអគ្គិសនី ៖ គឺជាអ្នកដែលត្រូវបានផ្តល់សិទ្ធិដោយអាជ្ញាធរអគ្គិសនី ដើម្បីធ្វើការផ្គត់ផ្គង់អគ្គិសនីជូន អតិថិជន ។ សេវាករត្រូវចាំបាច់មានអាជ្ញាប័ណ្ណ ហើយត្រូវអនុវត្តន៍តាមច្បាប់បទបញ្ញត្តិនិងគោលការណ៍ របស់អាជ្ញាធរអគ្គិសនី។ អាជ្ញាប័ណ្ណអគ្គិសនី គឺជាលិខិតផ្តល់សិទ្ធិឱ្យអ្នកកាន់អាជ្ញាប័ណ្ណដើម្បីធ្វើសេវាកម្ម អគ្គិសនី។ អាជ្ញាប័ណ្ណត្រូវបានអនុញ្ញាតតាមច្បាប់ ដែលអាជ្ញាធរអគ្គិសនីសម្រេចផ្តល់ឱ្យរូបវន្តបុគ្គលឬនីតិ បុគ្គលដើម្បី មានសិទ្ធិស្របច្បាប់ក្នុងការធ្វើសេវាកម្មអគ្គិសនី ទៅតាមបញ្ញត្តិ ដែលកំណត់ក្នុងអាជ្ញាប័ណ្ណ នោះហៅថា “លក្ខខណ្ឌរបស់អាជ្ញាប័ណ្ណ” ។

អគ្គិសនីកម្ពុជា EDC ៖ ៖ជាក្រុមហ៊ុនទទួលខុសត្រូវមានកំណត់មួយរបស់រដ្ឋ មានភារកិច្ច ផលិត បញ្ជូន និងចែក ចាយថាមពលអគ្គិសនីទូទាំងព្រះរាជាណាចក្រកម្ពុជា ។ អគ្គិសនីកម្ពុជា ជានីតិបុគ្គលមាន ស្វ័យភាពផ្នែកគ្រប់គ្រងរដ្ឋបាល និងហិរញ្ញវត្ថុ មានគោលដៅពាណិជ្ជកម្មមានសិទ្ធិនិងការទទួលខុសត្រូវ កំណត់ដោយច្បាប់ ។ អគ្គិសនីកម្ពុជា ទទួលខុសត្រូវដោយផ្ទាល់ចំពោះកម្រៃ និងការបង់ខាត ព្រមទាំងបំ ណុលទាំងអស់ត្រឹមកម្រិតនៃតម្លៃធនធានរបស់ខ្លួន។

បច្ចុប្បន្ន អគ្គិសនីកម្ពុជា កំពុងធ្វើសេវាកម្ម ចែកចាយជូនអតិថិជននូវតំបន់មួយចំនួនរួមមាន៖

• ១.អគ្គិសនីកម្ពុជាភ្នំពេញ (សាខាអូរបែកក្អម សាខាចាក់អង្រែក្រោម និងសាខាវត្តភ្នំ)
• ២.អគ្គិសនី សៀមរាប
• ៣.អគ្គិសនី ខេត្តព្រះសីហនុ
• ៤.អគ្គិសនី កំពង់ចាម (សាខាពញាក្រែក និងសាខាមេមត់)
• ៥.អគ្គិសនី តាកែវ (សាខាអង្គតាសោម)
• ៦.អគ្គិសនី បាត់ដំបង
• ៧.អគ្គិសនី ស្វាយរៀង(សាខាបាវិត សាខាកំពង់រោទ៍ និងសាខាជីភូ)
• ៨.អគ្គិសនី កំពត (សាខាកំពង់ត្រាច)
• ៩.អគ្គិសនី ព្រៃវែង
• ១០.អគ្គិសនី បន្ទាយមានជ័យ (សាខាមង្គលបូរី)
• ១១.អគ្គិសនី ស្ទឹងត្រែង សាខាកំពង់ស្រឡៅ(ខេត្តព្រះវិហារ)
• ១២.អគ្គិសនី រតនគីរី
• ១៣.អគ្គិសនី មណ្ឌលគីរី (សាខាកែវសីមា)
• ១៤.អគ្គិសនី ក្រចេះ (សាខាស្នួល)
• ១៥.អគ្គិសនី កំពង់ស្ពឺ
•  

១.តើការបន្តចរន្តថ្មីត្រូវមានឯកសារអ្វីខ្លះភ្ជាប់មកជាមួយ?

ក. ករណីលំនៅដ្ឋានៈ

• ច្បាប់ចម្លងប័ណ្ណគ្រួសារ ឬ វិញ្ញាបនបត្រសម្គាល់អចលនវត្ថុ ឬលិខិតផ្ទេរសិទ្ធិ កាន់កាប់ ឬលិខិតបញ្ជាក់របស់ឃុំសង្កាត់
• អត្តសញ្ញាណប័ណ្ណអ្នកស្នើសុំ ឬលិខិតបញ្ជាក់អត្តសញ្ញាណចេញដោយអាជ្ញាធរមូលដ្ឋាន

ខ. ករណីអង្គភាពរដ្ឋៈ

• លិខិតបញ្ជាក់ការទូទាត់របស់ប្រធានស្ថាប័ន ឬប្រធានអង្គភាពស្នើសុំ
• អត្តសញ្ញាណប័ណ្ណអ្នកស្នើសុំ

គ. ករណីប្រភេទអាជីវកម្មៈ

• ច្បាប់អនុញ្ញាតបើកអាជីវកម្ម ឬប័ណ្ណប៉ាតង់
• លិខិតបញ្ជាក់កម្មសិទ្ធិទីតាំងស្នើសុំដូច (ក១) ឬកិច្ចសន្យាជួល ភ្ជាប់មកជាមួយនូវការធានាទូទាត់បំណុលពីម្ចាស់កម្មសិទ្ធិ ដែលមានការបញ្ជាក់ពីអាជ្ញាធរ
• អត្តសញ្ញាណប័ណ្ណអ្នកស្នើសុំ។

២.តើរយៈពេលនៃការបម្រើសេវាបន្តចរន្តមានប៉ុន្មានថ្ងៃ?

រយៈពេលនៃការបម្រើសេវាបន្តចរន្តគឺ គិតចាប់ពីថ្ងៃទទួលពាក្យរហូតដល់ថ្ងៃភ្ជាប់ចរន្ត៖

• ការស្នើសុំបន្តចរន្តពី 1ph X 5A ដល់ 1ph X 63A មានរយៈពេល ១៥ ថ្ងៃ (ថ្ងៃការងារ គិតចាប់ពីថ្ងៃច័ន្ទ ដល់ ថ្ងៃសុក្រ លើកលែងតែថ្ងៃឈប់សម្រាកដែលប្រកាសដោយអនុក្រឹត្យនៃរាជរដ្ឋាភិបាលកម្ពុជា)
• ការស្នើសុំបន្តចរន្តពី 3ph X 32A ដល់ 3ph X 100A មានរយៈពេល ៤៥ ថ្ងៃ (ថ្ងៃធម្មតា គិតទាំងថ្ងៃឈប់ និងថ្ងៃធ្វើការ) ។

៣.តើការសុំតម្លើងកម្លាំងថាមពលប្រើប្រាស់ ត្រូវមានឯកសារអ្វីខ្លះភ្ជាប់មកជាមួយ?

• ឯកសារជាវចរន្តពីមុន ឬអត្តសញ្ញាណប័ណ្ណ
• វិក្កយបត្រប្រើប្រាស់ថាមពលអគ្គិសនី។

តើការស្នើសុំបន្តចរន្តថ្មី ឬតម្លើងកម្លាំងចាប់ពី 3ph x 100A ឡើងទៅអតិថិជនត្រូវទំនាក់ទំនងនៅខាង ណាដែរ? បើខ្ញុំមានផ្ទះនៅភ្នំពេញ?

ក- កម្លាំង 3ph x 100A

• ប្រភេទលំនៅដ្ឋាន និងអគាររដ្ឋបាល ត្រូវទំនាក់ទំនងនៅ តាមសាខាអគ្គិសនីកម្ពុជា
• ប្រភេទអាជីវកម្ម សិប្បកម្ម ផ្ទះជួលបរទេស សណ្ឋាគារ ត្រូវទំនាក់ទំនងនៅនាយកដ្ឋានអាជីវកម្ម ចែកចាយ(វត្តភ្នំ)។

ខ- កម្លាំងលើសពី 3ph x 100A

• គ្រប់ប្រភេទអតិថិជនត្រូវទៅទំនាក់ទំនងនៅនាយកដ្ឋានអាជីវកម្មចែកចាយ(វត្តភ្នំ)។
• វតើការស្នើសុំបន្តចរន្តថ្មី ឬតម្លើងកម្លាំងចាប់ពី 3ph x 100A ឡើងទៅអតិថិជនត្រូវទំនាក់ទំនងនៅខាងណាដែរ? បើខ្ញុំមានផ្ទះនៅខេត្ត?

គ្រប់ប្រភេទអតិថិជនដែលស្ថិតនៅក្នុងដែនអាជ្ញាប័ណ្ណ គ្រប់គ្រងដោយអគ្គិសនីកម្ពុជា សូមអញ្ជើញទៅ ទំនាក់ទំនងតាមបណ្ដាអង្គភាពអគ្គិសនីដែលអតិថិជនរស់នៅ។

៥.ចំពោះសាច់ញាតិរបស់អ្នកស្នើសុំបន្តចរន្ត អាចមកផ្តិតមេដៃជំនួសគាត់បានដែរឬទេ?

• អ្នកផ្សេងមិនអាចមកផ្តិតមេដៃជំនួសម្ចាស់ផ្ទះ(ម្ចាស់អចលវត្ថុ)បានទេ។
• លុះត្រាតែជាប្តី ឬប្រពន្ធរបស់អ្នកស្នើសុំទើបមានសិទ្ធិអាចផ្តិតមេដៃជំនួសបាន។

៦.តើអតិថិជនតែមួយអាចឈរឈ្មោះសម្រាប់បន្តចរន្តពីរ ឬច្រើនជាងនេះបានដែរឬទេ?

• អតិថិជនមានសិទ្ធិឈរឈ្មោះបាន អោយតែទីតាំងនោះជាកម្មសិទ្ធិរបស់ខ្លួន និងមានទីតាំងកម្មសិទ្ធិផ្សេង គ្នា។

៧.តើអតិថិជនអាចបន្ថយកម្លាំងប្រើប្រាស់បានដែរ ឬទេ?

អតិថិជនអាចបន្ថយកម្លាំងប្រើប្រាស់បានដោយ៖

• ត្រូវអញ្ជើញទៅទំនាក់ទំនងនៅសាខាអគ្គិសនី និងតាមបណ្តាអង្គភាពអគ្គិសនីខេត្ត ចំណុះឱ្យអគ្គិសនីកម្ពុជា ដើម្បីស្នើសុំបន្ថយកម្លាំងប្រើប្រាស់។
• ត្រូវដាក់ពាក្យស្នើសុំបញ្ឈប់ការប្រើប្រាស់លើទីតាំងនោះ ហើយដាក់ពាក្យស្នើសុំកម្លាំងសារជាថ្មី។

៨.អតិថិជនមានទីតាំងមួយ បើកសិប្បកម្មបានបំពាក់សម្ភារជាច្រើនសំរាប់អាជីវកម្មគាត់ ចង់បន្តចរន្តថ្មីចូល ទីតាំងនេះ។ តើអតិថិជនគួរសុំកម្លាំងប៉ុន្មានអំពែរ?

• អតិថិជន ត្រូវដឹងពីកម្លាំងប្រើប្រាស់ពីអ្នកបច្ចេកទេសដែលរៀបចំបណ្តាញក្នុងទីតាំងគាត់ជាមុនសិន ហើយបន្ទាប់ពីធ្វើការស្នើសុំតាមកម្លាំងនេះរួច អ្នកបច្ចេកទេសរបស់អគ្គិសនីកម្ពុជានិងចុះពិនិត្យវាយតម្លៃ ជាក់ស្ដែង និងកំណត់អំពែរតាមក្រោយ។

៩.អតិថិជនបានទិញផ្ទះដែលមិនមានភ្លើង ហើយបានមកស្នើសុំបន្តចរន្តថ្មីតែខាងអគ្គិសនី ថាទីតាំងគាត់បាន ធ្វើការស្នើសុំរួចហើយ(តាមពិតម្ចាស់ផ្ទះបានយកកុងទ័រភ្លើងទៅលក់ អោយអ្នកផ្សេង)តើ ​​អតិថិជនត្រូវ ធ្វើបែប ណាទើបបានភ្លើងប្រើ?

ចំពោះទង្វើខាងលើគាត់លក់កុងទ័រភ្លើងទៅឱ្យអ្នកដទៃជាទង្វើខុសច្បាប់ខុសពីគោលការណ៍របស់អគ្គិសនី

• សូមអតិថិជនបង្វែរមកទីតាំងត្រឹមត្រូវវិញ។
• ក្នុងករណីដែលអ្នកទិញ មិនព្រមចរចាទេសូមអញ្ជើញមកទំនាក់ទំនងជាមួយសាខាអគ្គិសនីដើម្បីធ្វើការ ដោះស្រាយតាមគោលការណ៍។

១០.អតិថិជនជាអ្នកជួលផ្ទះ ចង់សុំបន្តចរន្តថ្មីនៅទីតាំងនោះ តើបានទេ?

អតិថិជនអាចដាក់ឈ្មោះអ្នកជួលបានតែត្រូវមានឯកសារពាក់ព័ន្ធដូចជា៖

• កិច្ចសន្យាជួល
• អត្តសញ្ញាណប័ណ្ណអ្នកជួលនិងម្ចាស់ផ្ទះ
• លិខិតកម្មសិទ្ធិរបស់ម្ចាស់ផ្ទះលើទីតាំងនោះ ឬលិខិតបញ្ជាក់ទីតាំងពីសងា្កត់(បើសិនមិនមានលេខ ផ្ទះត្រឹមត្រូវ)
• លិខិតធានារបស់ម្ចាស់ផ្ទះលើបំណុលប្រើប្រាស់របស់អ្នកជួល(ក្នុងករណីដែលអ្នកជួលចេញបាត់ ម្ចាស់ផ្ទះ ត្រូវទទួលខុសត្រូវទូទាត់អោយអគ្គិសនីកម្ពុជា)
• ក្នុងករណីជាក្រុមហ៊ុនអាជីវកម្ម ត្រូវមានបន្ថែមនូវលិខិតអនុញ្ញាតឱ្យប្រកបអាជីវកម្មពីក្រសួងពាក់ព័ន្ធ។

១១.បើទីតាំងអតិថិជនជាដីទទេ តើអាចសុំបន្តចរន្តថ្មីដាក់ទីនោះបានទេ?

• ករណីបែបនេះ អគ្គិសនីកម្ពុជាពុំអាចផ្តល់ជូនបានទេសូមអញ្ជើញរៀបចំទីតាំងសម្រាប់ បន្តភ្លើងចូល។

១២.អតិថិជនទើបតែទិញផ្ទះគេហើយ ពីមុនទីតាំងនេះធ្លាប់មានភ្លើងរួចហើយតែ​ពេលអត់មានការ ប្រើប្រាស់​​ ក៏ត្រូវអគ្គិសនីបញ្ឈប់តាមគោលការណ៍។ តើអតិថិជនត្រូវធ្វើដូចម្តេច ដើម្បីបានភ្លើងប្រើប្រាស់ឡើងវិញ?

• ត្រូវដោះស្រាយបំណុលចាស់ពីមុនសិន(បើមាន) និងដាក់ពាក្យស្នើសុំបន្តចរន្តថ្មី។

១៣.អតិថិជនកំពុងសង់ផ្ទះមិនទាន់បំពាក់សម្ភារ តើគាត់អាចសុំភ្លើងធំបានទេ?

• អគ្គិសនីកម្ពុជា អាចផ្តល់ជូនកម្លាំងតូចល្មមសម្រាប់បម្រើការសាងសង់សិននៅពេលសាងសង់ និងបំពាក់ សម្ភាររួចអាចសុំតម្លើងកំលាំងតាមជាក់ស្តែង (កម្លាំង និងប្រភេទប្រើប្រាស់)។

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.